नेपाललाई हाप्किडो मार्फत विश्वभर चिनाऔं : अर्थमन्त्री मास्की

कपिलवस्तु १३ कार्तिक । लुम्बिनी प्रदेशका अर्थमन्त्री धनबहादुर मास्कीले खेलजिवनलाई सफल बनाउन राज्यले संरक्षण गर्नुपर्ने बताउनु भएको छ । लुम्बिनी प्रदेश हाप्किडो संघको आयोजनामा आइतबार देखि दाङको राप्ती गाउँपालिकाको कार्यालय मसुरीयामा प्रदेश स्तरीय हाप्किडो लिडरसिप, प्रशिक्षक तथा रेफ्रि सेमिनारको उद्घाटन गर्दै अर्थमन्त्री मास्कीले सो कुरा बताउनु भएको हो ।उहाँले राष्ट्रलाई हाप्किडो मार्फत विश्वव्यापी रुपमा चिनाउने सकोस भन्ने शुभकामना दिदै अर्थमन्त्री मास्कीले खेलकुदको संरक्षण सँगै राज्यको तर्फबाट कार्यक्रम तथा योजना बनाएर सेवा सुविधा दिदै खेललाई प्रशंसनीय कार्यको रुपमा अवलम्बन गर्ने बताउनु भएको छ ।
कार्यक्रममा प्रमुख अतिथीको आसनबाट बोल्दै अर्थ मन्त्री मास्कीले खेलकुल विकासका लागि संघीय सरकारमा युवा तथा खेलकुद मन्त्रालय र प्रदेशमा सामाजिक विकास मन्त्रालय रहेको बताउँदै उहाँले लुम्बिनी प्रदेश भित्रका सवै खेलकुदलाई व्यवस्थित गर्नका लागि प्रदेश सरकारले बजेट समेत विनियोजन गरेको बताउनुभयो त्यस्तै उहाँले लुम्बिनी प्रदेशलाई खेलकुदको माध्यमबाट चिनाउन हाप्किडोले महत्वपूर्ण भुमिका खेल्ने कुरामा आफु विश्वस्त रहेको समेत बताउनु भयो ।लुम्बिनी प्रदेश हाप्किडो संघका अध्यक्ष टेकराज केसीको अध्यक्षता तथा लुम्बिनी प्रदेश सरकारका अर्थमन्त्री धनबहादुर मास्कीको प्रमुख आतिथ्यता एवम् नेपाल हाप्किडो संघका केन्द्रीय अध्यक्ष तथा दक्षिण एशियाली हाप्किडो महासंघका अध्यक्ष कालीबहादुर घर्ती मगरको विशिष्ट आतिथ्यतामा सेमिनार सुरु भएको छ ।
हाप्किडो संघ प्युठानका अध्यक्ष प्रेम पुनमगरको स्वागत मन्तव्यबाट सुरु भएको कार्यक्रमको सञ्चालन हाप्किडो संघ प्युठानका सचिव यमराज पाठकले गर्नु भएको थियो । सेमिनारमा लुम्बिनी प्रदेशका १२ वटा जिल्लाबाट १ सय २० जना सिनियर प्रशिक्षकहरुको सहभागिता रहेको छ । पाँच दिन सम्म चल्ने सेमिनारको प्रशिक्षकमा नेपाल हाप्किडो संघका प्रमुख प्रशिक्षक प्रबिन गुरुङ रहनु भएको छ ।