नेपाली जनताको सघर्षबाट प्राप्त प्रजातन्त्रको शवलीकरण आजको आवश्यकता : अध्यक्ष शर्मा

कपिलवस्तु, फाल्गुण ७
नेपाली जनताको वलिदानीपूर्ण सघर्षबाट प्राप्त ऐतिहासिक राष्ट्रिय प्रजातन्त्र दिवसको अवसरमा नेकपा (एमाले) कपिलवस्तुका जिल्ला अध्यक्ष डम्मर शर्माद्धारा प्रेस विज्ञप्ती मार्फत शुभकामना सन्देश जारी गर्नु भएको छ । जारी सन्देशमा लोकतान्त्रिक ब्यवस्थाका निम्ति आफुलाई आहुने दिनुहुने ज्ञात, अज्ञात अमर शहिदहरुप्रति भावपूर्ण श्रद्धाञ्जली ब्यक्त गर्दै आन्दोलनका क्रममा घाईते र वेपत्ता प्रति हार्दिक सम्मान ब्यक्त गर्दछौं भनिएको छ ।
विज्ञप्तीमा नेपाली जनताको जनअपेक्षा सुखी नेपाली, समृद्ध नेपालको लक्ष्यलाई साकार पार्न हामि सबै नेपालीको साझा प्रयत्न आवश्यक रहेको चर्चा गर्दै नेपाली जनताको सघर्षबाट प्राप्त लोकतान्त्रिक ब्यवस्थाको शवलीकरण वर्तमानको आवश्यकता रहेको विज्ञप्तीमा भनिएको छ । यस ऐतिहासिक क्षणमा स्वदेश तथा विदेशमा रहनुहुने सम्पूर्ण नेपाली बुवा, आमा, दिदी वहिनी सबै प्रति शुभकामना तथा बधाई ज्ञापन गर्दर्छौ भनिएको छ । यस ऐतिहासिक दिनले हामि सबैलाई लोकतन्त्रको विकल्प समृद्ध लोकतानित्रक शासन ब्यवस्था भएको चर्चा गर्दै लोकतान्त्रिक ब्यवस्थाको माध्यमद्धारा दीगो शान्ति, सुशासन र समृद्ध राष्ट्र निर्माणमा एकतावद्ध भई अघि बढन प्रेरणा प्रदान गर्ने विश्वास प्रकट गर्दछौं भनिएको नेकपा (एमाले) जिल्ला प्रचार तथा प्रकाशन विभाग प्रमुख लक्ष्मण बेल्बासेले जानकारी दिनु भयो ।