बुटवल, १८ जेठ । सडक डिभिजन कार्यालय बुटवलको सिफारिसमा सयमै काम सम्पन्न नगरेका दुई निर्माण कम्पनीलाई सार्वजनिक खरिद अनुगमन कार्यालयले १ वर्षका लागि कालोसूचमा राखेको छ । नवलपरासीको सरावलस्थित धनेवा खोला पुल भुजहवामा काम सम्पन्न नगरेपछि २ निर्माण कम्पनीलाई कालोसूचीका लागि सिफारिस गरिएको डिभिजन कार्यालय बुटवलले जनायो ।
कालोसूचमा पर्ने कम्पनीहरु मैनाचुली निर्माण सेवा र बोखिम कन्स्ट्रक्सनलाई कारबाहीसहित कालोसूचीमा राखिएको हो । आर्थिक वर्ष २०६८/६९ सालमा ठेक्का सम्झौता भई पुल निर्माणका काम भएपनि स्टिमिट अनुसारको काम पूरा नहुँदा ती कम्पनीहरुलाई कालोसूचीमा राख्नु परेको डिभिजन कार्यालयका सूचना अधिकारी तथा ईन्जिनीयर महेश्वर लम्सालले जानकारी दिए । ४ करोड बढीको योजना अन्तरगत पुल निर्माण भए पनि अन्य काम बाँकी रहेको छ । मैनाचुलीका मुख्य व्यक्ती मदन अधिकारी र लोकबहादुर अधिकारी रहेका छन् भने बोखिमका मुख्य व्यक्ती बिनोद बोहोरा हुन् ।
सार्वजनिक खरिद अनुगमन कार्यालयले विभिन्न १७ वटा कम्पनीलाई सरकारको कालो सूचीमा राखेको हो । जेठ १७ गतेको निर्णयअनुसार सार्वजनिक खरिद ऐन, २०६३ को दफा ६३ को उपदफा १ बमोजिम आज शुक्रारबाट लागू हुने गरे, १ देखि ३ वर्षसम्मका लागि निर्माण कम्पनीहरूलाई कालो सूचीमा राखिएको हो । निर्माण कम्पनी तथा आपूर्ति कर्ताहरूले कालो सूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नसक्ने ब्यहोरा सूचनामा उल्लेख छ ।
प्रतिक्रिया