कपिलवस्तुमा नालामा फालिएको अवस्थामा एकको शव फेला

कपिलवस्तु, १९ जेठ । नालामा फालिएको अवस्थामा एकको शव फेला जिल्लाको शुद्धोधन गाउँपालिका ६ बेलभरीया गाउँको दक्षिण मर्थी खोलाको नालामा फालिएको अवस्थामा एक जना पुरुषको शव फेला परेको हो ।

जिल्ला प्रहरी कार्यालय कपिलवस्तुका प्रहरी उपरीक्षक नवरत्न पौडेलका अनुसार अनुहारमा ढुङ्गाले हानेर हत्या गरी नालामा फालिएको अवस्थामा करिब ३० वर्षीय पुरुषको शव फेला परेको बताउनुभयो । मृतक पुरुषको मुखमा गहिरो चोट देखिएको र शव नजिकै ढुङ्गा समेत फेला परेको उहाँको भनाइ छ ।

शवको पहिचान भने खुल्न नसकेको र शवलाई पोस्टमार्टमका लागि लुम्बिनी प्रादेशिक अस्पताल पठाइएको प्रहरी उपरीक्षक पौडेलले बताउनुभयो । घटनाबारे थप अनुसन्धान भइरहेको उहाँले बताउनुभयो ।