कर्तव्य ज्यान मुद्दाका फरार दम्पती २४ वर्षपछि पक्राउ

दाङ २१ फागुन । कर्तव्य ज्यान मुद्दाका फरार दम्पती २४ वर्षपछि कपिलबस्तुबाट पक्राउ परेका छन् । ज्यान मुद्दामा २० वर्ष कैद सजाय हुने ठहर भएका उक्त दम्पतीलाई प्रहरीले कपिलवस्तुबाट पक्राउ गरेको हो।
पक्राउ पर्नेमा दाङको राप्ती गाउँपालिका वडा नं। १ घर भई कपिलवस्तुको शिवराज नगरपालिका बस्दै आएका जित बहादुर दमाई र नमी दमिनी रहेको ईलाका प्रहरी कार्यालय भालुवाङले जनाएको छ । इलाका प्रहरी कार्यालय भालुवाङबाट खटिएको टोलीले उनीहरूलाई कपिलबस्तुबाट पक्राउ गरेको हो ।जिल्ला अदालत दाङले उनीहरु विरुद्ध २०५७ असोजमा २० वर्ष कैद सजाय हुने फैसला गरेको थियो । फैसलासँगै फरार भएका उनीहरु कपिलवस्तुको शिवराज नगरपालिका वडा नम्बर–१ मा लुकेर बसेको अवस्थामा भेटिएको ईलाका प्रहरी कार्यालय भालुवाङका प्रमुख अमर बहादुर ले बताए ।