कपिलवस्तु, आश्विन २
नेकपा (एमाले) बाणगंगाले आश्विन ३ गते संविधान दिवसलाई भब्य रुपमा मनाउने निर्णय गरेको छ । नेकपा एमाले बाणगंगाको नगर पार्टी कार्यालयमा सम्पन्न नगर सचिवालय वैठकले यस्तो निर्णय गरेको सचिव चेतनारायण भण्डारीले जानकारी दिनु भयो ।
वैठकले नेपाली कांग्रेस लगायतका संविधान पक्षधर राजनैतिक दलसंग समन्वय गर्ने समेत निर्णय गरेको बताइएको छ ।
वैठकलाई सम्बोधन गर्दै एमाले केन्द्रिय सदस्य, कपिलवस्तु इन्चार्ज तथा प्रदेश सभा सदस्य गिरधारीलाल न्यौपाने, एमाले केन्द्रिय लेखा आयोगका उपाध्यक्ष तथा प्रदेश सभा सदस्य विष्णु प्रसाद पंथी, एमाले नेता डम्मर शर्मा, एमाले नेता तथा बाणगंगा नगर प्रमुख चक्रपाणी अर्याल, एमाले जिल्ला उपाध्यक्ष शंकर पाण्डे लगायतले मन्तब्य राख्नु भएको थियो ।
बोल्ने बक्ताहरुले जेनजी आन्दोलनका जायज मागलाई पार्टीले सम्बोधन गर्दै विगतका कमी कमजोरीबाट पाठ सिकेर अगाडी बढने धारणा राख्नु भएको थियो ।
वैठकले प्रदेश तथा जिल्ला तहका नेताहरुको आतिथ्यता रहेको थियो ।
वैठक नगर कमिटी अध्यक्ष सोमनाथ अर्यालको अध्यक्षता, उपाध्यक्ष भिम बहादुर थापाको स्वागत मन्तब्य र सचिव चेतनारायण भण्डारीको संचालनमा सम्पन्न भएको एमाले बाणगंगाले जनाएको छ ।
प्रतिक्रिया