तेस्रो ‘जेपिसी’ कपको उपाधि आयोजक जनप्रियलाई

म्याग्दी, ५ वैशाख

तेस्रो ‘जेपिसी’ कप फुटबल प्रतियोगितामा आयोजक जनप्रिय मावि भूतपूर्व विद्यार्थी परिवार च्याम्पियन भएको छ । जिल्लाको मालिका गाउँपालिकाको केन्द्र दरवाङ बजारमा आज सम्पन्न फाइलन खेलको निर्धारित ९० मिनेटको समयमा पश्चिम म्याग्दी युवा क्लब र जनप्रियका खेलाडीबाट एक÷एक गोल भएपछि खेल ‘ट्राइब्रेकर’मा धकेलिएको थियो । त्यस क्रममा एकका विरुद्ध दुई गोल गर्दै जनप्रिय परिवारले उपाधि जितेको हो । प्रतियोगिताको विजेता रु एक लाख ५१ हजार १११ र उपविजेतालाई रु ८१ हजार १११ सहित दुवै टोलीलाई ट्रफी, मेडल र प्रमाणपत्रसमेत प्रदान गरिएको आयोजक टोलीका संस्थापक सचिव रमेश पुनले जानकारी दिनुभयो । कार्यक्रममा मालिका गाउँपालिका अध्यक्ष बेगप्रसाद गर्बुजा र आयोजक टोलीका अध्यक्ष कुशल घर्तीलगायतले पुरस्कार वितरण गर्नुभएको थियो । प्रतियोगिताको उत्कृष्ट खेलाडीमा पश्चिम म्याग्दीका बिपीन कार्की र ‘डिफेण्डर’मा जेपिसीका सङ्गम ठकुरी हुनुभयो भने पश्चिम म्याग्दीका सनिष बुढाले प्रतियोगिता अवधिभर सबैभन्दा धेरै चार गोल गर्नुभयो । जेपिसीका अञ्जन क्षेत्री उत्कृष्ट गोलरक्षक र हिराजित स्मृति क्लब अनुुशासित टोली बनेको छ । नयाँ वर्ष २०८३ का अवसरमा वैशाख १ गतेदेखि सुरु भएको प्रतियोगितामा २५ समूहले सहभागिता जनाएका थिए ।