एक महिने झोला बनाउने तालिम सुरु

कपिलवस्तु १५ फागुन । वाणगंगा नगरपालिकाको वडा नम्बर तिनमा एक महिने झोला बनाउने तालिम आजबाट सुरु भएको छ । वडा नम्बर ३ का वडा अध्यक्ष सन्तराम रौतारले कार्यक्रममा बोल्दै झोला बुन्ने कार्यक्रमले महिलाहरुलाई स्वारोजगार बन्न ठुलो सहयोग पुग्ने बताउनु भयो । साथै उहाँले तालिम सिक्ने सम्पूर्ण महिलालाई तालिम पछि सिपलाई व्यवसायी तरिकाले लौजान आग्रह गर्नु भयो । यमकुमारि बेल्वासेको अध्यक्षमा सुरुभएको उद्घाटन समारोह उपभोक्त समुहका सचिव राधा ढकालको स्वागत मनतव्यमा भएको थियो । कार्यक्रमको सञ्चालन वडा सचिव पञ्चराम थारुले गर्नु भएको थियो । कार्यक्रममा कार्यपालिका सदस्य सरिता देवि ढकाल, योगनाथ सुनार, वडा सदस्य राधा विक, रामआश्रे थारु लगायतको कार्यक्रममा उपस्थित रहेको थियो । एक महिना सम्म हुने झोला बनाउने तालिममा ४० जना महिलाको सहभागी रहने छ । जसको प्रशिक्षक बसन्ति सेनले गर्नु हुने छ ।