एसएसबीद्वारा नेपालभित्र पसेर कुटपिट

कपिलवस्तु  २२  चैत्र। भारतीय एसएसबीले कपिलवस्तुको एक गाउंको सर्वासधारणलाई कुटपिट गरेका छन । जिल्लाको कृष्णनगर नगरपालिका वडा १२ बरईपुरका आधा दर्जन गाउंलेहरुलाई शुक्रबारराति कुटपिट गरेको छ  । राति दुईबजे पेट्रोलिंङमा निस्केका एसएसबीका टोली एक्कासि  गाउभित्र पसेर मोल्हु यादव,सोमई यादव, राजु यादव,छोटु पासी , राजकिशोर पासी लगायत एक महिला चिन्ना यादवलाई समेत कुटपिट गरेको स्थानीयहरुले बताएका छन । यो घटनाभन्दा पहिला पनि त्यही गाउंका सर्वासधारणलाई अनावश्यक रुपमा कुटपिट गर्ने , हाथियार देखाइ तर्साउने गरेको गाउंबासी बताउंछन । भारतका बलरामपुर जिल्लामा पर्ने मजिगवां र त्रिलोकपुर  क्याम्पबाट ५७ नम्बरका स्तम्भ हुँदै एसएसबीटोली दिनहुँ पेट्रोलिङ गर्छन सो स्तम्भ नजिक दशगजासंग सटेको बरईपुर गाउंका सर्वसाधारणलाई त्रसित बनाउने कार्यले गर्दा दुई देशबीचको मित्रतामा पनि असर गर्ने नेपाल(भारत सम्बन्धबिज्ञहरुको भनाइ छ ।