थपिए १७ जना, नेपालमा कोरोना संक्रमितको संख्या ४४४ पुग्यो

काठमाडौं, ८ जेठ । विश्वमा महामारीको रुपमा फैलिदै गएको कोरोना भाइरका संक्रमित नेपालमा बढ्दै गएका छन् । नेपालमा आज बिहान थप १७ जनामा कोरोनाभाइरस संक्रमण पुष्टि भएको छ। यो सँगै नेपालमा संक्रमित हुनेहरूको संख्या ४ सय ४४ पुगेको स्वास्थ्य मन्त्रालयले जनाएको छ।

            स्वास्थ्य तथा जनसङ्ख्या मन्त्रालयले आज जारी गरेको प्रेस विज्ञप्ति अनुसार धरानस्थित वि. पि. कोइराला स्वास्थ्य विज्ञान प्रतिष्ठान र बिराटनगरको प्रादेशिक जनस्वास्थ्य प्रयोगशालामा गरिएको परीक्षणपछि थप १७ जनामा संक्रमण पुष्टि भएको हो। संक्रमण पुष्टि हुनेमा  झापा कचनाकवल गाउँपालिका, धनकुटा र धरानका नमुनाहरूमा  भएको बताइएको छ।  संक्रमण पुष्टि भएकामा १५ जना झापाको कचनकवल गाउँपालिकाका पुरुषहरू रहेका छन् भने धनकुटाका एक जना पुरुषमा र धरानकी एक जना महिला छिन् ।  संक्रमितहरूको स्वास्थ्य अवस्था सामान्य रहेको रहेको विज्ञप्तिमा उल्लेख छ।