इटटा उद्योगमा एक मजदुरको लडेर मृत्यू ,उद्योगले दुर्घटना बिमा नगराउदा परिवार बिचल्लीमा

 कपिलवस्तु १२ जेठ  ।बुद्धभूमी नगरपालिकाको एक इटटा भटटामा कामगर्ने मजदुरको लडेर मृत्यू भएको छ । बुद्धभूमी १० लोहरौलाका सोना इटटा उद्योगमा काम गर्ने ३२ बर्षका नारायण पोख्रेलको मृत्यू भएको प्रदेश ५को प्रहरी कार्यलयले जारी गरेको रिपोर्टमा  उल्लेख छ । ती मजदुर इटटाको चटटामाथि जेठ १० गते चढेका बखत आकस्मीक रुपमा लडेका थिए ।

    घाइते उनको ११ गते अपरान्ह ४ वजे भैरहवा स्थित युनिभर्सल मेडिकल कलेजमा उपचारकालागि पुराइएकोमा ६ वजे  ज्यान गएको हो । यता उक्त इटटा उद्योगले मजदुरको दुर्घटना विमा समेत अद्याबधि नगरेको पाइएको छ । यसरी मजदुरहरुको मृत्यू हुदा उनीहरुको दूर्घटना विमा समेत नगर्ने उद्योगको कारण मजदुर परिवार बिचल्लीमा पर्ने निश्चित भएको छ । यता शवको गयराती नै पोष्टमार्टम गरेर परिवारको जिम्मा लगाइएको इलाका प्रहरी कार्यलय गोरुसिंगेले जनाएकोछ ।