गोली प्रहारबाट धनुषामा युवकको हत्या

धनुुषा, २८ जेठ ।  धनुषा जिल्लाको सबैलामा मंगलार राती गोली प्रहारबाट एक युवकको हत्या भएको छ । जिल्ला प्रहरी कार्यालय धनुषाका अनुसार गोली प्रहार गरी सबैला नगरपालिका–७ लवटोलीका २५ वर्षीय हारुन मण्डलको हत्या भएको हो । मण्डल शव आज बिहान घरभन्दा करिब २०० मिटर पर फेला परेको प्रहरीले जनाएको छ ।  धनुषाका प्रहरी नायब उपरीक्षक रामेश्वर कार्कीले अनुसार मण्डलको छातीमा एक गोली प्रहार भएको देखिएको छ ।

          शवको प्रकृति मुचुल्का उठाइ शव परीक्षणका लागि प्रादेशिक अस्पताल जनकपुर ल्याउने तयारी भएको र घटनाका विषयमा अनुसन्धान शुरु गरिएको प्रहरीले जनाएको छ । यादवले घटनाको प्रकृति हेर्दा राति कसैले घरबाट बोलाएर एकान्तमा लगी गोली प्रहार गरी मण्डलको हत्या गरेको हुन सक्ने  प्रहरीले प्रारम्भिक अनुमान गरेको छ । हत्या कसले र किन गरेको हो खुल्न सकेको छैन ।