मोटरसाइकल दुर्घटनामा आमा–छोराकै मृत्यु

जनकपुरधाम, १८ असार । धनुषाको क्षीरेश्वरनाथ न.पा.–४ हरैयामा बुधबार साँझ मोटरसाइकल दुर्घटना हुँदा आमा–छोराकै घटनास्थलमै मृत्यु भएको छ। महेन्द्रनगरबाट जनकपुर आउदै गरेको ज. ३ प। ७०४२ नम्बरको मोटरसाइकल दुर्घटना भएको भएको प्रहरीले जनाएको छ ।          मोटरसाइकल चालक जनकपुरधाम उपमहानगरपालिका २० का करिब २८ वर्षीय नविन शर्मा र पछाडी बसेकी उनकी आमा ५० वर्षीया  धर्मादेवी शर्माको मृत्यु  छ। तिब्र गतिमा रहेको मोटरसाइकल अनियन्त्रित भएर दुर्घटना भएको देखिएको इलाका प्रहरी कार्यालय महेन्द्रनगरले जनाएको छ । इलका प्रहरी कार्यालयका अनुसार मृतक आमा–छोराको शव पोष्टमार्टमका लागि प्रादेशिक अस्पताल जनकपुरधाम लगिएको छ।