एकै दिन अमेरिकामा ५४ हजारभन्दा बढीलाई कोरोना संक्रमण

एजेन्सी, २० असार । विश्वभर महामारीको रुपमा फैलिएको कोरोना भाइरसको संक्रमणबाट अमेरिकामा एकै दिन ५४ हजारभन्दा बढीमा संक्रमित भएको पुष्टि भएको छ । पछिल्लो २४ घण्टामा मात्रै ५४ हजार ८९८ जना संक्रमित थपिएसँगै कुल संक्रमितको संख्या २८ लाख ९० हजार ५८२ पुगेको वल्डोमिटर्सको तथ्याङ्कमा उल्लेख छ ।

        अमेरिकामा शनिबार विहानसम्म यो समाचार तयार पार्दासम्म १ लाख ३२ हजार १०१ जनाको मृत्यु भएको छ । पछिल्लो २४ घण्टामा थप ६१६ जनाको कोरोना संक्रमणकै कारण मृत्यु भएको हो । कोरोना संक्रमितमध्ये १२ लाख ३५ हजार ४८८ जना संक्रमणमुक्त भएका छन् । कोरोना भाइरसबाट विश्वमै अमरिका सबैभन्दा बढी मारमा परेका छ ।