भारतमा नयाँ रेकर्ड, एकै दिन २४ हजारभन्दा बढी कोरोना संक्रमित

एजेन्सी, २१ असार ।  अहिलेसम्मकै सबैभन्दा बढी भारतमा कोरोना संक्रमितको नयाँ रेकर्ड कायम भएको छ । पछिल्लो २४ घण्टामा त्यहाँ अहिलेसम्मकै उच्च २४ हजार १५ जना संक्रमित भएका छन् । यो सँगै संक्रमितको संख्या ६ लाख ७३ हजार ९०४ पुगेको वल्डोमिटर्सको तथ्याङ्कमा उल्लेख छ ।

        भारतमा एकै दिन ६१० जनाको मृत्यु भएपछि भारतमा कोरोना भाइरसको संक्रमणबाट मृत्यु हुनेको संख्या १९ हजार २७९ पुगेको छ । कोरोना संक्रमणको सूचिमा विश्वमा चौथो र एसियाली मुलुकमा सबैभन्दा बढी कोरोना भाइरसको संक्रमण देखिएको भारतमा संक्रमितमध्ये ४ लाख ९ हजार ६२ जना निको भएका छन् । भारतमा कोरोना संक्रमित  अत्याधिक बढ्दै जाँदा त्यसको प्रभाव नेपालमा पनि पर्ने भन्दै चिन्ता व्यक्त गरिएको छ ।