भारतमा कोरोनाले एकै दिन ४७९ को मृत्यु, संक्रमित ७ लाख ४३ हजार बढी

एजेन्सी, २४ असार । भारतमा कोरोना भाइरसको संक्रमणले मृत्यु हुनेको संख्या २० हजार ६५३ पुगेको छ । पछिल्लो २४ घण्टामा थप ४७९ जनाको मृत्यु भएको छ भने २३ हजार १३५ जना नयाँ संक्रमित थपिएका छन् । यो सँगै भारतमा संक्रमितको संख्या ७ लाख ४३ हजार ४८१ पुगेको छ ।

        कोरोना संक्रमितको संख्या विश्वकै तेस्रो र एसियामा सबैभन्दा धेरै हो । संक्रमितमध्ये ४ लाख ५७ हजार ४५ जना निको भएका छन् । भारतले लकडाउन खुकुलो बनाएसँगै कोरोना संक्रमित समेत बढ्दै गएका छन् ।