कपिलवस्तु ३ साउन । कपिलवस्तुको साहित्य र पर्यटन क्षेत्रले ठूलो धक्का महशुस गरेकोछ । लामो समयदेखि राजधानीमा रहेर प्राध्यापन एवम अनुसन्धानमा संलग्न रहदै प्रज्ञाप्रतिष्ठान लगायतका विभिन्न संरचनावाट कपिलवस्तुको साहित्य र पर्यटनमा ठूलो हलचल ल्याउन सफल ब्यक्तित्व बिष्णुराज आत्रेय अर्थात लाटो साथीको निधनले यस्तो क्षेती भएको हो ।उहाको गएराती निधन भएको हो । वरिष्ठ साहित्यकार तथा प्राध्यापक डाक्टर विष्णुराज आत्रेय लाटो साथीको निधन भएको खवरले सिंगो देशका साहित्य प्रेमी भावविह्वल भएका छन् भने कपिलवस्तुवासीले ठूलो पीडा महशुस गरेको कपिलवस्तु बहुमुखी क्याम्पसका प्राध्यापक भक्तिराम पन्थीले वताउनु भयो ।
कपिलवस्तुको तौलिहवा निवासी साहित्यकार, संस्कृतविद तथा अनुसन्धानदाता आत्रेयको काठमाण्डौमा उपचारको क्रममा निधन भएको पारिवारिक स्रोतलाई उदृत गर्दै मानव अधिकारकर्मि एवं सामाजिक अभियान्ता पोमनारायण पौडेलले जानकारी दिनु भयो । स्वर्गीय अत्रेय अर्थात लाटो साथी केहि समय देखि विरामी भई उपचाररत रहनु भएको थियो । उहाँ विभिन्न साहित्य, कला तथा संस्कृतीको क्षेत्रमा आवद्ध रहनु भएको थियो ।
उहाँले कपिलवस्तुका एतिहाँसिक, पौराणीक, धार्मिक स्तलको अध्ययन संगै अनुसन्धान गर्दै आउनु भएको थियो । विशेष गरि उहाँले पतन्जलीको जन्म नेपालमा रहेको विषयमा खोज गर्नु भएको थियो । कपिलधाम क्षेत्रमा देशका ख्याती प्राप्त श्रष्ठाहरुको शालिक स्थापना गर्ने अभियानमा सारथी हुनुहुन्थ्यो । मधुवन धाम ,कपिलधाम लक्ष्मणघाट धाम र श्रृङिगी ऋषिको धाम लगायतका धामलाई जोडेर चारधाम घोषणा गराउन सरकार संग उच्चस्तरीय लविङ गरि रहनु भएका आत्रेयको त्यो सपना भने अधुरै रहेको छ ।
आजै उहाको अन्त्येष्टि गरिने पारिवारिक स्रोतले जनाएको छ ।उहाँको निधन प्रति जिल्लाका साहित्यीक क्षेत्रका स्रष्टा तथा विभिन्न सामाजिक संघ संस्थाले दुख व्यक्त गरेका छन् ।
प्रतिक्रिया