कपिलवस्तु २३ भदौ ।कपिलवस्तुमा मोति जयन्ती मनाइएको छ । कपिल प्रज्ञा पुस्तकालय कपिलधामको आयोजनामा १५६ औ मोती जयन्ती कपिलधाममा भएको हो । कार्यक्रमका प्रमुख अतिथी नागरिक समाज कपिलवस्तुका अध्यक्ष दोलख बहादुर पछाईले पानसमा दिप प्रज्वलनगरी कार्यक्रको उद्घाटन गर्नुभएको थियो । सो अवसरमा मोतीराम भटटको फोटोमा माल्यणपर्ण समेत गर्नुभएको थियो । कपिलधाममा रहेका बटुकहरुले स्वस्तीक बाचन गरि कार्यक्रमको शुभारम्भ गरेका थिए ।
कार्यक्रममा साहित्यकारहरु पुनराम गिरी , कपिलधामका अध्यक्ष शंकर प्रसाद आचार्य , बरिष्ट साहित्यकार ऋषिकेश भारद्धाज, मनकामना संस्कृत विद्यापिठ नन्दनगरका अध्यक्ष दयाराम पौडेल लगाएतले नेपाली साहित्यमा मोतिराम भटटको योगदान चर्चा गर्नु भएको थियो । कार्यक्रम कपिल प्रज्ञा पुस्तकालयका अध्यक्ष इन्द्र बहादुर कोईरालाको अध्यक्षता, उपाध्यक्ष विनिराम पौडेको स्वागत तथा केशव पाण्डेको संचालनमा सम्पन्न भएको हो ।
प्रतिक्रिया