चन्द्रौटा १६ असोज । नेपाल घरलु तथा साना उधोग महासंघ शिवराज नगरको प्रथम बैठक सम्पन्न भएको छ ।सो अवसरमा साना उधोगी ब्यवसायीहरू संगठित भए मात्र राज्यले उत्पादनमुखी साना उधोगीहरूलाई प्रर्बधनात्मक कार्यक्रमको माध्येमबाट सहयोग पुर्याउने महासंघ जिल्ला अध्यक्ष फुलकुमारी श्रेष्ठले बताउनु भयो ।
नगरलाई आत्मनिर्भर सबल र सक्षम बनाउन साना उत्पादनमुखी ब्यवासायहरूलाई स्थानिय सरकारले सहयोग गर्नुपर्ने महासंघको जिल्ला बरिष्ट उपाध्यक्ष टोपलाल पोख्रेलले जोड दिनुभयो । शिवराज नगरका सम्पुर्ण साना उधोगी तथा ब्यवासायीहरूले आफ्नो ब्यवसाय नगरपालिकाको कार्यालयमा सुचिकृत अनिवार्य गर्नुपर्ने बताउनु भयो ।
नगर भित्र भएका साना उधोग तथा ब्यवसायहरूको लगतको आधारमा प्रभावकारी योजनाहरू निर्माण गर्न मद्धत पुग्ने शिवराज नगरपालिकाको उधोग तथा ब्यवसायी शाखा प्रमुख नारायण पंगेनीले बताउनु भयो । बैठक नेपाल घरलु तथा साना उधोग महासंघ शिवराज नगर समिति अध्यक्ष संजिव गहतराजको अध्यक्षता र कोषाध्यक्ष ऋषिकेशव बि.कको संचालनमा सम्पन्न भएको थियो ।
प्रतिक्रिया