घोराही
६ पुस । दाङमा प्रहरीले लागुऔषध ब्राउन सुुगर सहित दुुई जनालाई पक्राउ गरेको छ । भारतबाट बाँके हुदै दाङ ल्याउन लागेको अबस्थामा एक जना भारतिय सहित २ जना व्यक्ति एक सय ५० ग्राम ब्राउन सुुगर सहित पक्राउ परेका हुन् ।
जिल्ला प्रहरी कार्यालय दाङले आज पत्रकार सम्मेलन गरि नेपालगञ्ज उपमहानगरपालिका १८ कारकाँदो बस्ने ४५ बर्षिया चन्द्रा राना र भारत उत्तरप्रदेश बहराईच मन्सुरगञ्ज कदरीजामा मस्जित बस्ने १८ बर्षिय समिर अन्सारीलाई एक सय ५० ग्राम ब्राउन सुुगर सहित सार्वजनिक गरेको हो । प्रहरी निरीक्षक झविन्द्र परियारको नेतृत्वमा खटिएको प्रहरी टोलीले लमही नगरपालिका ९ अमेलियाबाट उनिहरुलाई पक्राउ गरेको दाङका प्रहरी प्रमुख एसपी सुरेश प्रसाद काफ्लेले जानकारी दिए ।
चन्द्रा रानाले लगाएको हाइनेक घाँटी मुुनीको भागमा लुुकाएर राखेको अबस्थामा ब्राउनसुुगर बरामद गरेको उनको भनाई छ । साढे १२ लाख रुपैयाँमा विक्रि गर्ने भनि अन्सारीले भारतबाट ल्याएको र आफूलाई भरिया बने बापत २ लाख ४० हजार रुपैयाँ दिने सम्झौतामा आफुु प्रयोग भएको चन्द्राले पत्रकार सम्मेलनमा बताईन् ।
प्रतिक्रिया