कैची प्रहार गरी हत्या गर्ने प्रयास गरेको अभियोगमा एक युवक पक्राउ

काठमाडौँ १० माघ । कैची प्रहार गरी हत्या गर्ने प्रयास गरेको अभियोगमा प्रहरीले एक युवकलाई नियन्त्रणमा लिएको छ।

महानगरीय प्रहरी वृत्त गौशालाको टोलीले मोरङ घर भएका ३३ वर्षीय विनोद आचार्यलाई नियन्त्रणमा लिएको महानगरीय प्रहरी परिसर काठमाडौँका एसपी दिनेशराज मैनालीले बताए। माघ ९ गते दिउँसो सिन्धुपाल्चोक घर भएका २२ वर्षीय केशव तिम्सिनालाई धारिलो हतियार कैँची प्रहार गरेका थिए।

कैँची प्रहारबाट युवकको आन्द्रा बाहिर निस्किएको अवस्थामा काठमाडौँ मेडिकल कलेज सिनामंगल लगिएको थियो। अहिले वीर अस्पतालमा थप उपचार भइरहेको प्रहरीले जानकारी दिएको छ। घटनाको थप अनुसन्धान भइरहेको प्रहरीले जानकारी दिएको छ।