कांग्रेसको चुनावी मोर्चा हाक्दै पत्रकार:चापागाईंको संयोजकत्वमा मिडिया डेक्स

कपिलवस्तु २६ चैत्र।नेपाल प्रेस युनियन कपिलवस्तुका उपसभापति खग प्रसाद चापागाईंको सयोजकत्वमा मिडिया डेक्स गठन गरिएको छ । स्थानीय तहको निर्वाचनलाई लक्षीत गर्दै नेपाली काँग्रेसको शुभेच्छुक संस्था नेपाल प्रेस युनियनको मिडिया डेक्स गठन गरिएको हो । मिडिया डेक्सको सदस्यहरुमा मणि प्रसाद गैरे, सनिउल्ला धोबी, अशोक पौडेल, कृष्ण पौडेल, नारद कोहार, कृष्ण प्रसाद गैरे, कृष्ण थापा रहनु भएको छ ।
मिडिया डेक्सले स्थानीय तहको निर्वाचनमा रिपोर्टिङ गर्ने जिम्मेवारी तोकिएको छ । डेक्सले लोकतन्त्रको पक्षमा कलम चलाउदैँ कपिलवस्तुबासीमा सत्य र निश्पक्ष खबर प्रकाशन तथा प्रशारण गर्ने बिश्वास लिएको नेपाली कांग्रेस जिल्ला सचिव शक्ति सिहं ठकुरीले बताए । मिडिया डेक्सको सल्लाहकारमा नेपाल पत्रकार महासघं कपिलवस्तुका अध्यक्ष किरणमान बज्राचार्य, पुर्व अध्यक्ष मनोज पौडेल र नेपाल प्रेस युनियनका सभापति गोपाल भण्डारी रहनु भएको छ ।