लुम्बिनी प्रदेशसभाको बैठक फागुन १७ गते बस्ने

बुटवल, १४ फागुन । वर्तमान लुम्बिनी प्रदेशसभाको पहिलो अधिवेशनको छैटौँ बैठक यही फागुन १७ गते बस्ने भएको छ । ‘बिजनेस’विहीन भएर लामो समय बस्न नसकेको प्रदेशसभाको बैठक फागुन १७ गते दिउँसो १ बजे बस्ने प्रदेशसभा सचिवालयका सचिव दुर्लभकुमार पुनमगरले जनाएका छन् ।

लुम्बिनी प्रदेशसभा नियमावली, २०७९ को नियम १२ को उपनियम ३ बमोजिम बैठक बस्न लागेको सचिव पुनमगरले जारी गरेको सूचनामा उल्लेख छ ।