भेरी नदिको बेलिब्रिज भाँचिदा चारजनाको मृत्यु, चार जना गम्भिर घाइते

सुर्खेत, ०७ वैशाख। भेरी करिडोरको जाजरकोट नलगाड नगरपालिका १२ तल्लु स्थित भेरी नदीमा निर्माण कार्य जारी रहेको बेलिब्रिज पुल भाँचिदा चार जनाको मृत्यु भएको छ ।

अन्य चार जना गम्भिर घाइते भइ उपचारका लागि राडीस्थित स्वास्थ्य संस्थामा पठाएको आठबीसकोट नगरपालिकाका पुर्व नगरप्रमुख गोरखबहादुर केसीले बताए । मृतकको ठेगाना खुलेको छैन । मृतक र घाइतेहरु सबै पुलमा काम गर्ने मजदुरहरु रहेका छन् । जाजरकोट र रुकुम पश्चिमको बीचमा पर्ने उक्त पुल भेरी करिडोरले बनाइरहेको थियो ।