वेवारीसे पुरुषको सडेगलेको शव फेला

कपिलवस्तु १७ मंसिर ।कपिलवस्तु बुद्धभुमी नगरपालिका– १० चेतरादेहि स्थित बाणगंगा खोलामा सडेगलेको एक जना पुरुषको शव फेला परेको छ । चेतरादेहि सामुदायिक वनको बाणगंगा खोला बगरको बयर घारिमा सो शव फेला परेको हो । नाम थर वतन नखुलेको बर्ष अन्दाजी २५।२६ पुरुष ब्यक्ति कम्बर देखी माथिको शरिरको भागमा किरा औसा परी सडिगलेको अवस्थामा शव फेला परेको प्रहरी नायब उपरिक्षक गंगगा बहादुर थापाले बताए ।

शवबाट दुर्गन्ध समेत आएको उनले बताए ।घोप्टो अबस्थामा रहेको मृतकले ईआइआर लेखेको निलो जिन्स पाइन्ट, कालो खैरो फुल बाउला भएको सट,खैरो लेदरको पेटि, सेतो सोलमा कालो पिता वाला चप्पल लगाएको अबस्थामा भेटिएको हो । गाउमा मान्छे भैसी चराउन गएको बेला शवालई देखे पछि प्रहरीलाई खबर गरे पछि प्रहरी घटनास्थल पुगेको थियो । शव सडेगलेको अवस्था रहेको र पहिचान समेत नखुलेकोले घटनाको अनुसंधान अघि बढाउन समेत समस्या परेको प्रहरी नायब उपरिक्षक थापाले बताए । शवलाई कपिलवस्तु अस्पतालको शव गृहमा राखिएको छ