चन्द्रौटा :२ वर्षमा २० अर्बका नयाँ उद्योग

कपिलवस्तु ६ फागुन । बृहत शान्ती सम्झौता, संविधान निर्माणका साथै देशमा स्थीर सरकार बनेपछि पछिल्लो २ वर्र्षमा कपिलवस्तुको चन्द्रौटा  र कृष्णनगर आसपासमा झन्डै २० अरवको लगानीमा बन्द उद्योग सन्चालनका साथै नयाँ उद्योग खुल्ने क्रम बढेको छ । जस अनुसार चन्द्रौटा कृष्णनगर क्षेत्रमा चहलपहल मात्र बढेको छैन पाँच हजारको हाराहारीमा मानिसले रोजगारी समेत पाएका छन् । 

           समय नेपालमै पहिलो पटक स्वीस प्रविधिबाट समृद्धि फुडपोडक्स प्राली, विजया श्री स्टील उद्योग, गणपति, बुद्ध, अटल सिमेन्ट लगायत दर्जन बढि नयाँ उद्योग खुलेका छन् । स्वदेशका उद्योगीव्यवसायीले उत्पादन गरेका बस्तुको सहज विक्रि वितरणका साथै करको दायरा अनुसार संरक्षण गर्नुपर्ने उनीहरुको भनाइ छ । बृहत शान्ती सम्झौता पछिपनि तराइका कतिपय जिल्लामा उद्योगीव्यवसायीले ढुक्कसँग लगानी लगाउने बाताबरण नभएकाले थप लगानी गर्न सरकारले भरपर्दो सुरक्षा दिनुपर्ने बताएका छन् । विगतमा इन्धन अभाव, बन्दहड्तालबाट आजित बनेका यहाका व्यवसायीले लोडसेडिंगको अन्त्यसंगै चन्द्रौटा कृष्णनगर क्षेत्रलाइ औद्योगीक करिडोरका रुपमा विकास गर्नुपर्ने माग समेत गरेका छन्  ।