चट्याङ लागेर एक महिलाको मृत्यु

पर्वत, ८ बैशाख । पर्वत जिल्लामा चट्याङ लागेर एक जनाको मृत्यु भएको छ । पर्वतको फलेवास नगरपालिकाकी एक महिलाको चट्याङबाट मृत्यु भएको हो । जिल्ला प्रहरी कार्यालय पर्वतका प्रमुख प्रहरी नायव उपरीक्षक श्यामु अर्यालकाले शंकरपोखरीको टारी स्थित गोविन्द प्रसाद भुसालकी श्रीमती २८ वर्षीया कल्पना भुसालको आइतबार चट्याङ लागेर मृत्यु भएको जानकारी दिनुभयो ।

        गोठमा बाख्रा बाँधिरहेको अवस्थामा चट्याङ लागेर गम्भिर घाइते भुसाललाई कुस्मामा स्थित पर्वत अस्पतालमा लगिएको भए पनि चिकित्सिकहरुले मृत घोषणा गरेको प्रहरीले जनाएको छ ।