दाना अभावले मर्न थाले माछा, किसान चिन्तित

रौतहट, १२ बैशाख । लामो लकडाउनका कारण दाना नहुँदा रौतहटको रौतहटकस्थित दुुईवटा पोखरीको  लाखौ बराबरको माछा मर्न थालेका छन् । मौलापुर नगरपालिका वडा ८ का किसान जयराम यादव र अजय यादवको माछा मर्न थालेको हो ।

उक्त पोखरीमा झण्डै  १० लाख बराबरको माछा  रहेको यादवद्वयले बताएका छन् । अझै लकडाउन लम्बिने र दाना नपाए आफूले पालेका सबै माछा मर्ने डरले आफूहरुलाई राती निन्द्रा लाग्न छाडेको यादवद्वयले गुनासो गरे । विगतमा माछाबाट राम्रो आम्दानी हुने गरेको भए पनि यस पटक भएको लामो लकडाउनका कारण माछा व्यवसाय धरापमा परेको हो ।