कपिलवस्तु २३ बैशाख ।अखिल नेपाल महिला संघ क्रान्तिकारीका केन्द्रीय अध्यक्ष बन्धु चन्द (शिला) झन्डै १४ महिनापछि मंगलबार कपिलवस्तुको तौलिहवाबाट रिहा हुनु भएको छ ।विप्लव नेतृत्वको नेपाल कम्युनिस्ट पार्टीलाई सरकारले प्रतिबन्ध लगाउनु अघि २०७५ फागुन ११ गते उहाँलाई अछामबाट गिरफ्तार गरेर अहिलेसम्म विभिन्न आधा दर्जन भन्दा बढी जिल्लामा प्रहरीले घुमाइ सकेको थियो ।
सुरुमा अछाम, बाँके, बर्दिया, कैलाली, पुनः बर्दिया, पुनः बाँके र दाङको जेल हिरासतमा प्रहरीले राखेको थियो । तर उहाँलाई यसरी पटकपटक गिरफ्तार गरि जेल हिरासत राखिरहने कुनैपनि प्रमाण नभेटिएको भन्दै अदालतले पटक पटक जिल्ला प्रशासन कार्यालयलाई छोड्ने आदेश दिइराखेको भएपनि माथिको आदेश भन्दै प्रहरीको टोलीले गिरफ्तार गरिरहेको थियो । ३ दिन अघि दाङवाट कपिलवस्तु प्रहरीमा पठाइएकी चन्दलाई मंगलबार सर्वोच्च अदालतको आदेशवाट कपिलवस्तुबाट रिहा गरिएको हो ।
यता कपिलवस्तु प्रशासनले रिहापछि पुन पक्राउ गर्ने विगत भने दोहोराएन । उहा नेत्र विक्रम चन्दको नातेदार समेत हुनु हन्छ । २०५९ सालमा तत्कालिन मओवादीको अवध राज्य इन्चार्ज भएर उच्च राजनैतिक भूमिकामै रहनु भएकी चन्द विप्लव समुहको भूमिगत नेता हुनुहुन्थ्यो ।
प्रतिक्रिया