नदीमा पौडी खेल्न जाँदा डुबेर दुई जना वेपत्ता

चितवन, ५ जेठ ।  चितवनको नारायणी नदीमा डुबेर दुई जना वेपत्ता भएका छन् । जिल्ला प्रहरी कार्यालय चितवनका अनुसार भरतपुर महानगरपालिका–१६ का २५ वर्षीय प्रवीण दवाडी र २५ वर्षीय विवेक भट्टराई रहेका छन् ।

         उनीहरु आइतबार दिउँसो ४ः३० बजे महानगरपालिका–१६ को गणेश मन्दिर नजकै नदीमा पौडी खेल्ने क्रममा डुबेर वेपत्ता भएका हुन् । उनीहरुको खोजी भइरहेको प्रहरीले जनाएको छ । नारायणी नदीमा उच्च सावधानी नअपनाउँदा डुबेर बेपत्ता भएको भन्दै स्थानीयले चिन्ता गरेका छन् ।