नेपाल कै पहिलो संक्रमित नर्सको बिदाई,कार्यथलोवाटै कोरोना परास्त ,प्रदेशमा नयाँ उदाहरण

कपिलवस्तु १२ जेठ  ।कपिलवस्तु जिल्ला अस्पताल तौलिहवाले नेपालकै पहिलो संक्रमित नर्सलाई १४ दिनको आइशोलेशन वार्ड बसाईवाट आज विदाई  गरेको छ । त्यहा कार्यरत कोरोना संक्रमित स्टाफ नर्सले कोरोना संगको लडाईमा १४ दिनमा विजेता वनपछि अस्पत्तालले बिदाई गरेको हो ।

        कपिलवस्तु नगरपालिका तौलिहवाका स्थायी वासिन्दा समेत रहेका नर्स आफ्नै कर्मथलो तौलिहवा अस्पत्तालमा १४ दिन बसेर कोरोनालाई जित्न सफल भएको मे.सु. किशोर बन्जाडेले जानकारी दिनु भयो । बन्जाडेका अनुसार उहा नेपालको पहिलो कोरोना संक्रमित नर्स हुनु हुन्छ । उहालाई अस्पतालकै आईसोलेसन वार्डमा राखि उपचार गरीएको थियो । अस्पत्तालमा राख्दा धेरै मानिसहरु त्रसित बनेको भएपनि उहालाई कुशलतापूर्वक निको पारेर र अरु कसैलाई पोजेटिभ हुन नदिएर अस्पत्तालले उच्च संकटलाई टारेको डा. बन्जाडेको भनाइ छ । डा. बन्जाडेले आफूले तौलिहवा अस्पत्तालमै राखेर निको पारेको उदाहरण पछि प्रदेश ५ का मुख्य मन्त्री शंकर पोख्रेलले हरेक अस्पत्ताललाई आइशोलेशन वनाउन निर्देशन दिएको वताउदै नयाँ प्रयोग गरियो यो त प्रदेशकै लागि उदाहरणीय बनेछ भन्नु भयो । 

        जेष्ठ १ र ४ गते लिएको स्वावको पि सि आर जाचको रिपोर्ट नेगेटिभ आएपछि आज डिस्चार्ज गरीएको हो । उहालाई अहिले होम क्वारेन्टाईनमा वस्ने सल्लाह दिई घर पठाईएको छ । एक हप्तापछि उहा काममा फर्किनु हुनेछ । कपिलवस्तु जिल्ला अस्पताका मे.सु डा किशोर वन्जाडेले वताउनु भयो । उहा संग सम्पर्क आएका सवैको पि सि आर रिपोर्ट नेगेटिभ आएको थियो । उहाको वैसाख २७ गते स्वाव संकलन गरीएको थियो । वैसाख ३० गते  कोरोना भएको पुष्टी भएको थियो ।