ब्रेकिङ अपडेट : कपिलवस्तु नेपाल मै सबैभन्दा बढी संक्रमित हुने जिल्ला

कपिलवस्तु १७ जेठ ।प्रदेश ५को कपिलवस्तु कोरोना संक्रमणको हिसावले नेपाल कै सबैभनदा धेरै संक्रमित हुने जिल्लामा परेकोछ । आज ७७ जना नयाँ संक्रमित थपिएसंगै कपिलवस्तुमा २६५ संक्रमित पुगेका हुन् । यतिमात्र होइन क्वारेण्टाइन रहेका ७४५३ जना मध्ये  पिसिआरका लागि स्वाव संकलन हुन वाकी ५००० वढी रहेका छन् । यस हिसावले नेपालमै सबै भन्दा बढी कोरोना जोखिमको जिल्ला पनि कपिलवस्तु नै बन्ने निश्चित जस्तै देखिएकोछ । 

        जिल्ला  स्वास्थ्य कार्यालय कपिलवस्तुले दिएको जानकारी अनुुसार आज एकै पटक यति धेरै संक्रमित थपिएका हुन् । यो संगै जिल्लामा कोरोना संक्रमित संख्या २६५ पुगेको छ ।जस अनुसार महाराजंजमा ३३,यशोधरामा २८ ,कृष्णनगरमा १६ जना सहित थपिएका हुन् ।  शनिबार थपिने संक्रमितमा तीन स्थानीय तहका रहेका छन । जस अनुसार महाराजगन्ज नगरपालिका का बर्ष १६ देखि ४५ सम्मका ३३ जना पुरुष रहेका छन ।कृष्णनगर नगरपालिकाका बर्ष १८ देखि ४५ सम्मका १६ जना पुरुष रहेका छन भने यशोधरा गाउँपालिकाका १६ देखि ४८ बर्षसम्मका २६ जना पुरुष र २५, १९ बर्षीय दुई जना महिला रहेका छन ।