कपिलवस्तुका ५ सुरक्षाकर्मी सहित थप ८ ले कोरोना जिते ।

कपिलवस्तु
कपिलवस्तुमा बुधवार ८ कोरोना संक्रमित निको भएका छन । यो सहीत जिल्लामा कोरोना विजयी हुने को संख्या ३२ पुगेको छ । कोरोना जित्नेमा ५ जना सुरक्षाकर्मी समेत रहेका छन । नेपाल प्रहरीका प्रहरी नायव निरीक्षक, हवलदार, सशस्त्र प्रहरी नायव निरीक्षक, सशस्त्र प्रहरी जवान र राष्ट्रिय अनुसन्धानका एक कर्मचारी रहेको वताइएको छ । उनीहरु सवै कृष्णनगर नगरपालिकामा काममा खटिदा संक्रमित भएका थिए । यसै गरी बुद्धभुमी नगरपालिकाका १ जना यशोधरा गाउँपालिकाका २ जना समेत कोरोना विजयी भएर घर फर्किन लागेका छन ।
यसै गरी जिल्लामा ३० जना कोरोना संक्रमित थप भएका छन । मंगलवार राती शुद्धोधन गाउँपालिकाका २८ जना र आज बिहान बाणगंगा नगरपालिकाका २ जनामा कोरोना संक्रमण भएको पुष्टी भएको छ । जिल्लामा कोरोना संक्रमितको संख्या ३९५ पुगेको स्वास्थ्य कार्यालयका फोकल पर्सन कुमार थापाले बताउनु भयो ।