गण्डकी प्रदेशमा थपिए १७ कोरोना संक्रमित, संख्या ९६६ पुग्यो

कास्की, १६ असार । गण्डकी प्रदेशमा आज  थप १७ जनामा कोरोना भाइरसको संक्रमण पुष्टि भएको छ ।  यो सँगै गण्डकीमा कोरोना संक्रमितको संख्या ९६६ पुगेको छ  । प्रदेश क्षयरोग केन्द्र, पोखरा र पोखरा स्वास्थ्य बिज्ञान प्रतिष्ठान, पोखरामा भएको परिक्षणमा गण्डकीका ४ जिल्लामा थप १७ जनाका भाइरस पुष्टि भएको हो । 

        संक्रमितहरुमा स्याङजाका १, तनहुँका ५, तमजुङका ३ र कास्कीका ८ जना रहेको विज्ञप्तिमा उल्लेख छ । संक्रमित सबैलाई सम्बन्धित जिल्लाहरुमा रहेका आईसोलेसन कक्षमा लैजाने तयारी भैरहेको  छ । स्वास्थ्य निर्देशनालयका अनुसार गण्डकीमा कोरोनाबाट निको हुनेको संख्या २१४ पुगेको छ ।