१५ थपिएसंगै ५१२ सक्रिय संक्रमित,९० प्रतिशत होम आइसोलेशनमा

रुपन्देही १३ भदौ । शनिबार रुपन्देहीमा १५ जना नयाँ कोभिड–१९ संक्रमित थपिएसंगै ५१२ जना सक्रिय संक्रमित  पुगेकाछन् ।जिल्लामा कुल संक्रमितको संख्या ८ सय ८० पुगेको छ भने मृतकको संख्या ८ पुगेको छ।  रुपन्देहीमा ३६० जना निको भएर फर्किसकेका छन्, ५१२ जना सक्रिय संक्रमित उपचाररत छन्।त्यस मध्ये ९० प्रतिशत बढी होम आइसोलेशनमा रहेको वताइएको छ ।

       यता जिल्लाका विभिन्न ल्याबमा गरिएका परिक्षण अनुसार शनिवार सम्म रुपन्देहीका ५ पालिकाका १५ जनामा संक्रमण पुष्टि भएका स्वास्थ्य कार्यालय रुपन्देहीका भेक्टर कन्ट्रोल निरीक्षक केदारनाथ शाहले जानकारी दिए।शाहका अनुसार सिद्धार्थनगरमा ७ जना, बुटवल उपमहानगरपालिका ३ जना, तिलोत्तमा २, ओमसतियामा २ र रोहिणीमा १ जनामा संक्रमण देखिएको छ।प्रदेश जनस्वास्थ्य प्रयोगशाला भैरहवा, लुम्बिनी प्रादेशिक अस्पतालको ल्याब र र नेशनल प्याथ ल्याबबाट आएको रिर्पोट अनुसार ७ महिला र ८ पुरुषमा संक्रमण देखिएको छ।