आईसीयू अभावमा अर्घाखाँची र रुपन्देहीका दुई संक्रमितको मृत्यु

रुपन्देही २९ असोज। आईसीयू अभावमा  अर्घाखाँची र रुपन्देहीका दुई कोरोना संक्रमितको  मृत्यु भएको छ ।अर्घाखाँचीको भूमिकास्थान नगरपालिका ९ का ७३ वर्षीय पुरुषको आईसीयू अभावमा मृत्यु भएको हो ।  असोज २८ गते लुम्बिनी प्रादेशिक अस्पतालको आइसोलेसनमा भर्ना भएका उनलाई  अस्पतालमा आईसीयू अभाव भएपछि दाङको बेलझुण्डीस्थित कोरोना अस्पतालमा लैजाँदै गर्दा बाटोमै मृत्यु भएको हो ।

      उनमा यही असोज २७ गते कोरोना संक्रमण पुष्टि भएको थियो ।यसैगरी बुटवल उपमहानगरपालिका–७ की ७० वर्षीया महिलाको धागो कारखानामा सन्चालित कोरोना विशेष अस्थायी अस्पतालमा आज बिहान मृत्यु भएको छ ।यही असोज २१ गते अस्पताल भर्ना भएकी उनको आज बिहान मृत्यु भएको लुम्बिनी प्रादेशिक अस्पतालले जनाएको छ । उनमा असोज २१ गते कोरोना संक्रमण पुष्टि भएको थियो । उनमा ज्वरो, दम लगायतका समस्या थियो ।