आज थप १ हजार ३ सय ४ जनामा सङ्क्रमण पुष्टि

काठमाण्डौ १६ मंसिर । आज थप १ हजार ३ सय ४ जनामा सङ्क्रमण पुष्टि भएको छ । आज आठ हजार पाँच सय ८३ जनाको नमुना परीक्षण गर्दा एक हजार तीन सय चार जनामा सङ्क्रमण देखिएको हो । त्यस्तै गएको २४ घण्टामा दुई हजार ७३ जना निको भएर फर्किएसँगै डिस्चार्ज हुनेको सङ्ख्या दुई लाख १६ हजार पाँच सय ९४ पुगेको छ । अब नेपालमा १६ हजार ६ सय ३३ जना सक्रिय सङ्क्रमित आइसोलेशनमा रहेका छन् । यस्तै ६ सय १६ जना क्वरेण्टीनमा रहेको मन्त्रालयले जनाएको छ । थप २१ जना सङ्क्रमितको ज्यान गएसँगै कोरोनाबाट ज्यान गुमाउनेको सङ्ख्या एक हजार पाँच सय २९ पुगेको छ । नेपालमा कोरोना भाइरसका सङ्क्रमितको सङ्ख्या दुई लाख ३४ हजार सात सय ५६ पुगेको छ ।