आज थप १ हजार २ सय ७२ जना कोरोना भाइरस संक्रमण पुष्टि

 काठमाडौं १९ मंसिर। आज थप १ हजार २ सय ७२ जना कोरोना भाइरस संक्रमण पुष्टि भएको छ । ८ हजार ४१ वटा पीसीआर परीक्षणमा १ हजार २ सय ७२ संक्रमित भेटिएको  स्वास्थ्य तथा जनसंख्या मन्त्रालयले जनाएको छ ।योसँगै नेपालमा कोरोना भाइरस संक्रमितको कुल संख्या २ लाख ३८ हजार ८ सय ६१ पुगेको छ ।पछिल्लो २४ घण्टामा कोरोना भाइरस संक्रमणमुक्त हुनेको संख्या १५७५ रहेको छ । हालसम्म संक्रमणमुक्त हुनेको संख्या २ लाख २१ हजार ८४७ पुगेको छ ।हाल कोरोना भाइरसको सक्रिय संक्रमितको संख्या १५ हजार ४४७ रहेको छ ।