कपिलवस्तु २१ असोज ।कपिलवस्तु नगरपालिकाका मेयर किरण सिंहले सेवा निबृत्त प्राविधि जनशक्तिलाई उपयोग गर्नेगरी पारामर्श सेवामा लगाउने वताउनु भएको छ । उमेर हदका कारण अनिवार्य अवकाश पाएका कपिलवस्तु नगरपालिकाका २ प्राबिधिक कर्मचारीको तौलिहवामा बिदाई गर्दै यस्तो वताउनु भएकोहो ।
नगरपालिकाले एक कार्यक्रमका बिच दोसल्ला र प्रशंसा पत्र प्रदान गरी ईन्जीनीयर चन्डी प्रसाद देव र सहायक ईन्जीनीय नारायण चौधरीलाई बिदाई गरेको हो । मेयर किरण सिंह, उप मेयर लक्ष्मी गुप्ता र प्रमुख प्रशासकीय अधिकृत शेषकान्त पौडेलले दुबैलाई अबिर र टीका फुलमाला लगाई बिदाई गरेका थिए ।
सो अवसरमा मेयर सिंहले सेवानिवृत दुबै कर्मचारीले नगरपालिकामा लामो सयम ईमान्दारी पुवर्क सेवा गरेको भन्दै नगरपालिकाको विकास निर्माणमा समेत दुबैका योगदान कदर गर्ने वताउनु भयो । कार्यक्रममा उप मेयर गुप्ताले सेवानिवृत हुनुलाई एक प्रकृया भन्दै दुबै कर्मचारीले नगरपालिकामा कत्तब्र्यनिष्ट भएर काम गरेको स्पष्ट पार्नु भयो ।
सो अवसरमा प्रमुख प्रशाकीय अधिकृत पौडेलले सेवानिवृत कर्मचारीहरुले आफनो कार्यकालमा अनुशासित र ईमान्दारीपुवर्क काम गरको औल्याउनु भयो । अढाई दशक भन्दा बढी सयम नगरपालिकामा आफनो अमुल्य समय दिएर सेवा गरेको दुबै जना कर्मचारीहरु मिलनसार रहेको र सेवाग्राहीबाट समेत खासै गुनासो समते नआएको उहाले तर्क गर्नु भयो । उहाले दुबैलाई आगामी दिनमा रचनात्मक काममा लाग्न सुझाव दिनु भयो । कार्यक्रम प्रमुख प्रशाकीय अधिकृत पौडेलको अध्यक्षता र सामाजिक विकास अधिकृत पदमराज श्रेष्ठको संचालनमा भएको थियो । चौधरी गत असोज ४ र देव गत असोज १४ गते सेवानिवृत हुनु भएको थियो ।
प्रतिक्रिया