भरतपुर, १५ कर्तिक । पत्रकार भएरपनि साहित्यमा समेत समेत कलम चलाउँदै आएका पत्रकार सूर्यप्रकाश कडेँल पुरस्कृत हुने भएका छन् । उनलाई साहित्यिक कृति ‘मोसो’ उपन्यासका लागि चिसाप लीला–नर्मदा साहित्य पुरस्कार प्रदान गरिने भएको छ । कडेँलको पहिलो कृति मोसो उपन्यास २०७७ सालमा प्रकाशित भएको थियो ।
उक्त वर्ष प्रकाशीत कृतिहरुमध्ये उत्कृष्ट ठहरिएको ‘मोसो’ का लागि लेखक कँडेललाई यो पुरस्कार दिने निर्णय भएको चितवन साहित्य परिषद (चिसाप) का अध्यक्ष सुरेन्द्र अस्तफलले बताए ।
उनकै अध्यक्षतामा आइतबार बसेको कार्यसमिति बैठकले पत्रकार एवं लेखक कँडेललाई ११३ औँ लक्ष्मी जयन्तीको अवसरमा कात्तिक १८ गते चिसापको सभाहलमा एक समारोहबीच पुरस्कार प्रदान गरिने निर्णय भएको हो । पुरस्कारको राशि १५ हजार ४५ रुपैयाँ रहेको छ ।
बालकुमारी माध्यमिक विद्यालयकी पूर्वप्रधानाध्यापक एवं कवि सरस्वती रिजालले बुबा लीलानाथ तिमिल्सिना र आमा नर्मदादेवीको नाममा स्थापना गरिएको २ लाख ५१ हजार रुपैयाँको अक्षयकोषबाट आर्जित ब्याजले हरेक वर्ष लक्ष्मी जयन्तीमा उक्त पुरस्कार दिँइदै आएको छ ।
यसअघि यो पुरस्कार रमा शर्मा कृतित्व र व्यक्तित्व २०७२०, श्रीओम श्रेष्ठ ‘रोदन’ भनौँ कि नभनौँ निबन्ध संग्रह २०७३०, विश्वप्रेम अधिकारी टिमुरको झोल कथा संग्रह २०७४०, विमल वैद्य अक्षर सिम्फोनी कविता संग्रह २०७५० र ललित बस्नेत मोहपथ कथासंग्रह २०७६० ले प्राप्त गरिसकेका छन्।
प्रतिक्रिया