जानु पाण्डे, २ पुष ।
समुदायमा बाल विवाह हुनेको संख्या नरोकिए पछि कपिलवस्तुको शिवराज नगरपालिकाले १० वर्षे रणनीति निर्माण गर्न सुरु गरेको छ । नगरपालिकाले बाल विवाह न्यूनीकरणको योजना तयार गर्न सरोकार वाला सँग छलफल गरेको छ । नगरपालिकाका केही वडा बाल विवाह मुक्त घोषणा भए पनि सबै वडा बाल विवाह मुक्त गराउन अभियान स्वरुप रणनीति तयार गर्न लागेको नगर उप प्रमुख शिवकुमारी थारुले बताउनु भयो ।
नगरपालिकाले पछिल्ला तीन वर्ष भित्र १ हजार ६ सय ७ जनाको बालविवाह तथ्याङ्क प्रस्तुत गरेको थियो । ती मध्ये १ हजार १ सय १७बालक र ४ सय ९० बालिका रहेको छन् । पालिकालाई बाल विवाह मुक्त गराउन विगत ५ वर्ष अगाडी देखि विभिन्न संघसंस्थाले अभियान सञ्चालन गर्दै आएका थिए । सिद्धार्थ सामाजिक विकास केन्द्रका प्रबन्धक प्रकाश घिमिरेले रणनीतिको मस्यौदा प्रस्तुत गर्नु भएको थियो । बालबालिकाको सवालमा काम गर्दै आएको केन्द्रले नगरपालिकासँग सहकार्य गर्न तयार रहेको बताइएको छ ।
नगरपालिकाको वडा नं.१ मा सबै भन्दा बाल विवाह हुने क्षेत्र मानिएको छ । सो वडामा३ वर्षमा २२४ जनाले बालविवाह गरेका थिए । वडा न ७मा सबै भन्दा न्यून ३४ जनाले बालविवाह गरेका थिए ।वडामा बालविवाहका घटनाहरू बढेसँगै किशोर किशोरीहरुद्वारा अभियान सञ्चालन गरिएको वडा न १ का अध्यक्ष जगत जिसीले बताउनु भयो । कतिपय बालविवाह रोकिएको पनि भागी विवाहले बालविवाह बढेको उहाँले प्रष्ट पार्नु भयो ।
प्रतिक्रिया