पाल्पामा ट्याक्टर दुर्घटना, एक जनाको मृत्यु ४ जना घाइते

बुटवल २५ पुष । पाल्पामा ट्याक्टर दुर्घटना हुंदा एक जनाको मृत्यु भएको छ । आइतबार राति कालीगण्डकी कोरिडोर अन्तरगत पिपलडाँडाबाट हुँगीतर्फ जादै गरेको लु ४ त ७९१६ नम्बरको ट्याक्टर दुर्घटना हुंदा रम्भा गाउँपालिका वडा नं १ हुँगीका १७ वर्षीय विशाल थापाको मृत्यु भएको हो ।
ट्याक्टरमा सवार अन्य चार जना घाइते भएको प्रहरीले जनाएको छ । ट्याक्टर आफैं अनियन्त्रित भई सडकबाट १५ मिटर तल खसेपछि घाइते भएका थापाको तानसेनस्थित लुम्बिनी मेडिकल कलेजमा उपचारका क्रममा मृत्यु भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए।