हरि घिमिरे, ०४ मंसिर ।
कपिलवस्तुमै पहिलो पटक ‘स्केट पार्क’ संचालनमा आएको छ । जिल्लाको बाणगंगा नगरपालिका ४ दरखास्तमामा ’स्केट पार्क’ संचालनमा आएको हो । दुईजना ट्रेनर संगै शुरक्षाका लागि हेलमेट, सेफ्टी गार्ड, नि गार्ड लगाएतका समग्री सहित संचालन गरीएको छ ।
करिब २५ लाख रुपैयाँको लगानीमा साहसी खेल प्रेमीका लागि लक्षित गर्दै ’स्केट पार्क’ संचालनमा ल्याएको संचालक केशव पाण्डेले बताए । उनले पछिल्लो समय स्केटिङमा किशोरकिशोरी तथा युवायुवतीको आकर्षण बढ्दो रहेको र सोहीलाई मध्येनजर गर्दै स्केट पार्क संचालनमा ल्याएको बताए ।
रुपन्देहीको सैनामैना नगरपालिका ४ स्थायी घर भएका युवा व्यवसायी पाण्डेले कपिलवस्तुका विभिन्न स्थानबाट दैनिक दर्जनौँ किशोरकिशोरी तथा युवायुवती आउने गरेको बताए । प्रारम्भिक चरणमै स्केट पार्कमा दैनिक एक सय जना बढी आउने गरेको उनको भनाई छ ।
२८ बर्षीय युवा व्यवसायी पाण्डेले उक्त पार्कमा ६ जनालाई रोजगारी समेत दिएका छन् । अब स्केट पार्क नियमित खेल र अभ्यासका लागि खुल्ला हुनेछ । स्केटिङ गर्न प्रतिघण्टा २०० रुपैयाँ लाग्ने छ भने थप गर्न १०० रुपैयाँ लाग्ने छ । खेलमा सहभागि हुनका लागि ८ बर्ष भन्दा तलका बालबालिकालाई अभिभावक साथमा आउनुपर्ने हुन्छ । त्यस्तै ८ बर्ष भन्दा माथिका सबैले आफ्नो शुरक्षाको आफै ख्याल गर्दै खेलमा सहभागि हुन पाउने बताईएको छ ।
प्रतिक्रिया