बन्चरो प्रहार गरी श्रीमतीको हत्या

सल्यान, २० मंसिर । सल्यानमा बन्चरो प्रहार गरेर एक व्यक्तिले श्रीमतीको हत्या गरेका छन् । जिल्लाको सिद्धकुमाख गाउँपालिका वडा नम्बर ३ उचाल्नेका ४५ बर्षिय डम्मर सार्कीले श्रीमती अन्दाजी ४० वर्षकी सितली सार्कीको बन्चरो प्रहार गरी हत्या गरेको जिल्ला प्रहरी कार्यालय सल्यानले जनाएको छ ।

बुधवार बिहान डम्मरले धारिलो हतियार प्रयोग गरि हत्या गरेको जिल्ला प्रहरी कार्यालय सल्यानका सूचना अधिकारी भवानी प्रशाद धमलाले जानकारी दिए । उनलाई ढोरचौर बजार नजिकैबाट पक्राउ गरिएको र हत्याको कारण खुल्न नसके तथा घटना बारे अनुसन्धान भैरहेको प्रहरीले जनाएको छ ।