रुपन्देहीमा स्कूल बसको ठक्करबाट बालिकाको मृत्यु

गैंडहवा, २ पौष ।

रुपन्देहीको गैडहवा गाउँपालिका–१ मा स्कूल बसको ठक्करबाट आइतबार बालिकाले ज्यान गुमाएकी छन् । ईलाका प्रहरी कार्यालय सुर्यपुराका अनुसार कञ्चन–३ हरैयामा रहेको मोर्डन भिजन एकेडेमी स्कूलको लु १ क २२३६ नम्बरको बसले बालिकालाई ठक्कर दिएको हो ।

बसको ठक्करबाट गैडहवा–१ का राम हरिजनकी २ वर्षीया छोरी नारियाले ज्यान गुमाएकी हुन् । झारबैराको भित्री सडक मोडहवादेखि टाडीतर्फ गैरहेको बसले बालिकालाई ठक्कर दिएको थियो । बस र चालकलाई प्रहरीले नियन्त्रण्मा लिएको छ भने शवलाई पोष्टमार्टमका लागि भैरहवा पठाइएको प्रहरीले जनाएको छ ।