कपिलवस्तु, ०५ चैत्र ।
नेपाल फार्मेसी संघ कपिलवस्तुले विभिन्न कार्यक्रम गरि स्थापना दिवस मनाएको छ ।
संघले आईतबार जिल्लाको बुद्धभूमि नगरपालिका २ गोरुसिंगेमा स्थापनाको पहिलो बर्ष भब्यताका साथ मनाएको हो ।
उक्त अवसरमा संघले व्यवसायिक समस्या तथा समाधान, अबैध औषधी पसल अनुगमन तथा नियन्त्रण लगायतका विषयमा फार्मेसी व्यवसायीहरुसंग अन्तरक्रिया गरेको छ ।
सो अवसरमा बोल्दै संघका जिल्ला अध्यक्ष रमेश शर्माले सम्पुर्ण फार्मेसिष्ट तथा सहायक फार्मेसिष्टहरु एकताबद्ध हुन आवश्यक रहेको बताए । एकताले नै व्यवसायिक समस्याहरु समाधान गरि अबैध क्रियाकलापहरु रोक्न सकिने उनको भनाई छ ।
अध्यक्ष शर्माले आफु संस्थागत हक हितको पक्षमा सदैव दृढ भएर आगामी दिनमा अघि बढ्ने प्रतिवद्धता जनाए ।
संघ स्थापनको स्मरण गर्दै अध्यक्ष शर्माले जिल्लाभित्रका सम्पूर्ण फार्मेसीहरुलाई नेपाल सरकारको अधिनमा रहि अनुशासन पूर्वक संचालन गरि व्यवस्थित बनाउन भूमिका निर्वाह गरेको जिकिर गरे ।
उनले संघ स्थापनादेखि हालसम्मको समिक्षा गर्दै आगामी दिनहरुमा संघलाई थप सशक्त बनाएर अघि बढ्ने प्रतिवद्धता जनाए । कार्यक्रममा फार्मेसिष्टहरुले खुला सिमानाका कारण अबैध औषधी भित्रिएको गुनासो गरेका थिए ।
संघका अध्यक्ष रमेश शर्माको अध्यक्षतामा सम्पन्न उक्त कार्यक्रमको संचालन संघका महासचिव डा. विक्रम घिमिरेले गरेका थिए ।
प्रतिक्रिया