खुकुरी प्रहारी गरी कान्छी श्रीमतीको हत्या

चितवन, २८ बैशाख ।  चितवनमा श्रीमान्ले खुकुरी प्रहार गरी श्रीमतीको हत्या गरेका छन् ।  घरायसी विवादका कारण पूर्वी चितवनमा शनिबार राति एक व्यक्तिले आफ्नी श्रीमतीको हत्या गरेका छन् । जिल्ला प्रहरी कार्यालय चितवनले दिएको जानकारीअनुसार खैरहनी नगरपालिका–९ सिमलटाँडीमा ४२ वर्षीय कृष्णप्रसाद अधिकारीले ३४ वर्षीया श्रीमती मञ्जुको खुकुरी प्रहार गरी हत्या गरेका हुन् । 

        प्रहरी नायब उपरीक्षक एकनारायण कोइरालका अनुसार राति ९ः४५ बजेको समयमा घटना भएको हो । हत्या गर्ने कृष्णप्रसादलाई राति नै प्रहरीले नियन्त्रणमा लिएको छ । परीक्षणका लागि शवलाई भरतपुर अस्पताल ल्याइएको छ । निजका दुई श्रीमती रहेको र मञ्जु कान्छी हुन् । घटनाको सुक्ष्म अनुसन्धान भइरहेको प्रहरीले जनाएको छ ।