कपिलवस्तु ७ असार । गर्मी संगै बर्षायामको मौसम शुरु भएसँगै तराईमा सर्पदंशका बिरामी बढ्न थालेका छन् । श्री नारायण दल गोरुसिगें द्धारा सञ्चालित सर्पं दश उपचार केन्द्र कपिलवस्तुमा पछिल्लो तीन महिनाको तथ्याङ्कले सर्पदंशका बिरामी बढेको पाइएको हो । उपचार केन्द्रमा गत चैतमा २७ जना सर्पदंशका बिरामीको उपचार भएको थियो भने वैशाखमा ४७ जनाको उपचार भएकोमा जेठ महिनामा मात्र ८२ जनाको उपचार भएको केन्द्रले जनाएको छ ।
असार महिनाको पहिलो सातामै २७ जना सर्पदंशका बिरामीले उपचार केन्द्रबाट उपचार गर्न आएको केन्द्रका व्यवस्थापक नविन भण्डारीले जानकारी दिनुभयो । सर्पदंश उपचार केन्द्रमा वार्षिक ८ देखी ९ सयको हाराहारीमा सर्पदंशका बिरामीले उपचार सेवा पाउँदै आएका छन् । गत बर्ष उपचारको क्रममा एक जनाको ज्यान गएको थियो भने यस बर्ष अस्पताल ल्याउने क्रममा ढिलाई हुदा ३ जनाको ज्यान गईसकेको छ ।
केन्द्रमा प्रदेश ५ का दाङ , प्युठान ,अर्घाखाँची लगायतका जिल्लाबाट सेवाग्राही आउने गरेका छन् । केन्द्रमा प्रयाप्त मात्रामा औषधि रहेको र औषधि अभावका नहुने बताउनुभयो । केन्द्रलाई बुद्दभुमि नगरपालीकाको सहयोगमा एम्बुलेन्सको समेत व्यवस्था रहेकोले बिरामीलाई केन्द्रसम्म पुग्न सहज भएको छ ।
चिसो र सुक्खा मौसममा दुलोभित्र रहने सर्प गर्मीसँगै वर्षा हुन थालेपछि बाहिर निस्कने गर्छन । त्यसैले हरेक वर्ष यो मौसममा सर्पदंशका बिरामी बढ्ने गरेको भण्डारीले बताउनुभयो । तराई क्षेत्रमा गोमन, करेतजस्ता विषालु सर्पको डसाइका बिरामी आउने गरेका छन् भने पहाडी क्षेत्रबाट गुर्भे, हरेउजस्ता सर्पले टोकेका बिरामी आउने गरेको छन ।
गर्मी र वर्षाको मौसममा सर्पको टोकाइको जोखिम धेरै हुने भएकाले सपंको डसाईबाट बच्न ,घरवरिपरीका खाल्टाखुल्टी , राति अँध्यारोमा हिँड्दा टर्चलाइट लिएर मात्रै निस्कनुपर्ने, सुत्दा अनिवार्य झुलको प्रयोग गर्ने , झाडी सरसफाईमा ध्यान दिन केन्द्रका व्यवस्थापक नविन भण्डारीले आग्रह गर्नुभयो ।
प्रतिक्रिया