अवैध रुपमा मोवाईल बिक्री गर्दै आएको दुई जना भारतीय नागरिक पक्राउ

तुलसिपुर १५-पुस । तुलसीपुरबाट अवैध रुपमा मोवाईल बिक्रि गरिरहेको अवस्थामा दुई जना भारतीय नागरिक पक्राउ परेका छन् । तुलसीपुर उपमहानगरपालिका वडा नं. ६ गाईडहरमा बिहीबार दिउँसो अबैध रुपमा ओपो र सामसुङ मोबाईल विक्रि गरि रहेको भन्ने सूचनाका आधारमा तुलसीपुर मोबाईल तथा ईलेक्ट्रोनिक्स समितिका अध्यक्ष सुरज भण्डारी त्यहाँ गएर उनीहरुलाई सोधपुछ गरेर प्रहरीलाई जिम्मा लगाएको बताए ।

नक्कली मोबाईलका सेटहरु सोझा साँझा जनताहरुलाई महङगो मुल्यमा विक्रि गरिरहेको अवस्थामा उनीहरुलाई पक्राउ गरेको भण्डारीले बताए । पक्राउ पर्नेमा भारतको महाराष्ट्रका अशोक चौहान र एक महिला रहेको ईलाका प्रहरी कार्यालय तुलसीपुरका प्रहरी उपरिक्षक झलक शर्माले बताए । मोबाईलको कागजपत्र केही नभएकाले मोवाइल नक्कली हो या सक्कली हो भन्ने बारेमा जाँचबुझ भईरहेको शर्माले बताए ।