सिद्धबाबा क्षेत्रमा बलेरो जीपमा ढुङ्गा खस्दा ३ घाइते

पाल्पा २२ साउन । जिल्लाको तिनाउ गाउपालिका वडा न. ३ दोभान सिद्धबाबा क्षेत्रमा बलेरो जीपमा ढुङ्गा खसेको छ । गुडीरहेको जीवमा ढुंगा खस्दा तीन जना गम्भीर घाइते भएका छन् । लु २ च २८४९ नम्वरको जीपमा सोमबार बिहान ६ः४५ वजे माथी देखि खसेको ढुङ्गा गाडीमा लागेर गाडी समेत क्षतविच्छेद भएको छ ।

जीपमा सवार ३ जना ब्याक्ति घाइते भइ उपचारको लागि बुटवल लगिएको दोभान प्रहरी चौकीले जनाएको छ । सिद्दार्थ राजमार्गको सिद्दबाबा क्षेत्रमा ढुङ्गा खस्ने समस्या कै कारण यस क्षेत्रमा सुरूङमार्ग निर्माणको सुरूवात भैसकेको छ ।

बुटवलदेखि पाल्पातर्फ जाँदै गरेको अवस्थमा माथिबाट एक्कासी ढुङ्गा खस्दा लु २ च २८४९ नम्बरको जिप चालकसहित ३ जना घाइते भएका हुन् । उनीहरुलाई उपचारका लागि लुम्बिनी प्रादेशिक अस्पताल बुटवलमा ल्याइएको छ । उनीहरुको स्वास्थ्य अवस्था सामान्य रहेको प्रहरीले जनाएको छ । विहान करिब साढे ६।४५ बजे घटना भएको हो । सडक भने हाल सुचारु नै रहेको ट्राफिक प्रहरीले जनाएको छ ।